Fabian Ritzmann è da Scuol. Gia baud ha il giugader dal Cdh Engiadina fatg midada a Tavau per dar en las equipas da juniors dal Club da hockey da Tavau. Tar il HCD ha Ritzmann fatg atras tut ils stgalims da juniors. El era part da las equipas U15, U17 ed U20. Da l’elita dal HCD ha el alura pudì far il pass tar l’emprima equipa. Cun il HCD ha l’attatgader da l’equipa naziunala sut 20 onns pudì dar circa 20 partidas en la pli auta liga da hockey svizra. Il medem mument era Fabian Ritzmann era anc adina part da l’equipa dals Ticino Rockets a Biasca en la Swiss League. Suenter set onns a Tavau era l’attatgader a la tschertga dad ina nova sfida. A Berna ha el chatta quella.
Midada per far il proxim pass
Fabian Ritzmann è grond e spert. L’attatgader è enconuschent per ses tempo sin il gol. Questas en las qualitads dal giugader da hockey da 20 onns. Cun il SC Berna vul el uss giugar ora questas qualitads. El vul esser part da la nova equipa dal SC Berna che vul puspè turnar en il ravugl da las meglras equipas da hockey en Svizra. Anc la primavaira 2019 era il SC Berna vegnì campiun svizzer. Durant las stagiuns scursanidas pervia da la pandemia da corona, dentant era durant la davosa stagiun n'era il SC Berna betg in candidat per ina da las emprimas plazzas. Quai duai uss sa midar. L’equipa da la chapitala vul puspè attatgar.
I n'è betg simpel da far uschè ina midada, jau sun dentant vegni prendì si fitg bain a Berna