Il giugader da hockey Claude-Curdin Paschoud survegn puspè in contract limità tar il Club da hockey da Tavau. Quai ha communitgà il club sin Twitter. Suenter sia greva blessura vi dal chau l’onn 2018 ha Tavau uss dà al Grischun in contract da 6 emnas. La fin da la stagiun passada era ses contract numnadamain scadì senza ch'il club aveva prolungà quel. Duas emprovas da comeback ils onns 2019 e 2020 n'eran betg gartegiadas. Durant las proximas emnas duai ussa vegnir testà sche Paschoud è pront per il squitsch. Lura vul il club decider davart in contract definitiv pussaivel.
audio
Per tadlar: las novitads da las 11:00
ord RTR Audio dals 11.08.2022.
laschar ir. Durada: 2 minutas 41 Secundas.
