Curt avant la 10avla minuta da la lutga finala èsi gartegià al Bernais Fabian Staudenmann da metter il Grischun Armon Orlik en dies. Cun quai èsi decidì – Fabian Staudenmann ha avunda puncts e daventa il retg dal giubileum da lutga da 125 onns. El parta la curuna cun Fabio Hiltbrunner. Il Bernais da 19 onns gudogna surprendentamein la sisavla runda cunter Joel Wicki. Armon Orlik sa tschenta sin il rang 3.
Runda 5
Armon Orlik è provisoricamain enavos sin il tron
La tschintgavla fasa è a fin. Ella era decisiva per chattar ils dus ultims atlets per la runda finala. Il nr. 1 provisoric da Berna Dominik Gasser è fruntà sin il grischuna Armon Orlik, ch'ha fin uss mussà ina fitg ferma prestaziun ed sa chattava a partir da la tschintgavla fasa sin il plaz 2. La finala ha Armon Orlik dominà cunter Gasser – e quai cun bravura.
Cunquai è pia ufficial: Il lutgader grischun Armon Orlik è qualifitgà per la lutga finala, nua ch'ils dus megliers lutgaders dal di sa mesiran. Là spetga l'adversari Fabian Staudenmann sin Orlik. La lutga finala cumenza a las 17:15.
Runda 4
Gassar stuscha Armon Orlik sin plaz 2 en quarta fasa
La quarta fasa da cumbats è a fin. Là ha Armon Orlik (NOSV) fruntà sin l'adversari Aeschbacher Matthias (BKSV). El ha gudagnà, ma cun ina fitg pitschen avantatg da 9.00 puncts sin ils 8.75 puncts d'Aeschenbacher. En la rangaziun provisorica sa chattà Armon Orlik suenter quest duell pia betg pli sin il prim plaz, mabain sin il segund provisoric. Actualmain è il Bernais Dominik Gassar a la testa da la rangaziun provisorica.
Curdin Orlik (BKSV) – l'auter represchentant grischunais – ha pudì impedir ina victoria da l'adversari bernais Samuel Giger (NOSV) en ses quart cumbat. I n'ha dentant betg tanschì per Curdin Orlik da sa qualifitgar per la tschintgavla fasa da cumbats. Samuel Giger sa chatta suenter quest cumbat sin il quart rang provisoric.
Avantmezdi
In ferm avantmiezdi per il Grischunais Armon Orlik
Il sportist grischun Armon Orlik ha briglià al cumanzament da l'occurenza ad Appenzell. El ha dominà en tut ses trais duels cunter ses adversaris da l'avantmiezdi, quai sco unic lutgader. Cunquai è el ì sco victur da la rangaziun provisorica en la pausa da miezdi.
Era ina nunspetgà buna prestaziun fin uss ha mussà il Bernais Dominik Gasser, che sa chatta actualmain – cun in mez punct pli pauc ch'Armon Orlik – sin il plaz dus da la rangaziun provisorica.
In sport cun ina lunga tradiziun en Svizra
La lutga è ozendi in sport uschè popular sco anc mai. Il sport da tradiziun sez n'ha da principi dentant strusch sa midà dapi il 19avel tschientaner e la szena da lutga vala anc oz sco modesta e genuina.