Suenter che l’organisaziun dal Maraton da skis engiadinais aveva communitgà da spustar la partenza da la cursa da passlung da Malögia a Segl, ha spetgà ina proxima sfida: il Lai da Silvaplauna. La vetta da glatsch saja grossa e bain schelada, la naiv ch’è crudada l’emna passada dentant saja pesanta e bletscha, ha ditg il responsabel per il traject, Reto Matossi. Il mardi è el anc stà optimistic.
Nus vain pudì ir cun la maschina gronda sin il Lai da Silvaplauna a trair ils emprims fastizs da loipa, quai ans fa restar fermamain optimistics.
Ins ha sperà che las temperaturas sa sbassian fermamain, surtut las notgs per che la naiv sa collia bain. Ils organisaturs dal Maraton eran il mardi da fitg buna speranza che quai schabegia er ils proxims dis.
Sche nus na crajessan betg vi dal Maraton da skis engiadinais 2024, n’investissan nus era betg nossas forzas e raps per fabritgar si l’areal da partenza a Segl empè da Malögia.
Per il cas ch’i n’avess tuttina betg da funcziunar da laschar traversar ils radund 14’000 curridurs e curriduras sur il Lai da Silvaplauna, dessi anc in plan C, aveva ditg Reto Matossi. La gievgia èsi alura stà uschè lunsch: Ils organisaturs han stuì communitgar che la partenza vegn anc ina giada spustada. L'elavuraziun da la vetta da naiv sin il glatsch dal Lai da Silvaplauna na tanschia betg pli per ina partenza dumengia proxima.
La prognosa d'aura aveva laschà sperar
- Il Mardi èsi per gronda part surtratg. Il suentermezdi cummezi a naiver. Enfin mesemna en damaun poi dar tranter 10 fin 30 cm naiv nova. La temperatura maximala è tar +3°.
- La Mesemna resta l'aura surtratga. Il suentermezdi chali plaunet da naiver. La temperatura sa mova tranter -3° e +1°.
- La Gievgia cumenza cun ina notg seraina, ma fraida cun temperaturas tranter -11° e -8°. Il di ora datti per il pli sulegl cun maximalmain +3°.
- Er il venderdi cumenza cun ina notg sumegliant fraida. Il sulegl sa mussa mo per part durant il di. I resta fraid cun temperaturas da maximalmain +2°.
- La notg sin sonda datti mo pauc naiv. Il di datti blers nivels e pauc sulegl. Las temperaturas sa movan tranter -6° e +3°.
- La notg sin dumengia datti circa 5-10 cm naiv nova. I vegn danovamain fraid cun temperaturas enturn -6° è -4°. Er il di ora resti surtratg ed i dat in zic naiv. Enfin 10 cm naiv nova è pussaivla.
Chattà alternativas per 7 km che mancan suenter emprima midada
Suenter l'emprima spustada dal traject dal Maraton ch'è sa scursanì tras la partenza ch'era planisada a Segl empè da Malögia, ha l’organisaziun inditgà duas adattaziuns per la cursa:
Ulteriuras adattaziuns entras la nova adattaziun n'èn anc betg enconuschentas