Debits da scumessa èn debits d'onur. E pervia che Marcus ha definì in tattoo sco chasti per ses adversari Elias, ha quel stuì sa tschentar sut la guglia. Tge tattoo ch'i ha dà e co che Elias va enturn cun quella degradaziun vesais en il video.
Marcus Petendi ed Elias Tsoutsaios analiseschan temas actuals e persunals a moda umoristica ed infur
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Quai è e stada la cursa
Ils temps dals dus novizs da passlung:
- Marcus: 3:03:01, rang 481 en la categoria umens Masters 1, 3560 sur tut or
- Elias: 3:28:29, rang 642 en la categoria umens Masters 1 e 4792 sur tut or
Cun sia clera victoria dastga Marcus uss realisar il chasti per Elias. Quai vul dir che Elias sto laschar tetovar in motiv tenor proposta da Marcus – sco menziunà ordavant vegni ad esser in tatoo da Marcus che cuntanscha sco emprim l'arrivada dal maraton.
Il di avant a Puntraschigna
Ils Dus da nus èn arrivads a Puntraschigna ed èn ids per lur numer da partenza. Dumengia damaun a las 09:00 partan Marcus ed Elias per lur emprim Maraton da skis engiadinais. Davart il svilup dals davos mais, gnervusitad e finamiras han els discurrì en l'intervista.
Prest vegni serius
Trais dis avant il grond di dal maraton da skis engiadinais na stattan las stailas betg uschè bun. Ina ulteriura midada dal traject ed aura difficila chaschunan quitads a Marcus ed Elias. Tge ch'ils dus noviz spetgan da la cursa e sch'il passlung vegn ad esser era in tema en futur per els, han Marcus ed Elias raquintà en il radio a la moderatura Ladina Schena.
Il favorit è sa cristallisà
Tgi avess pensà quai d'ina chasa da medias ... ma la chasa RTR n'è betg neutrala. Marcus Petendi è il cler favurit e survegn uschia il squitsch supplementar ch'el dovra. Heja Heja Marcus!
Trenament a Siat per «star sin il ski»
I resta anc bun in'emna fin il grond di dal Maraton da skis engiadinais. Elias dovra quel temp per anc ina giada glimar vi da sia tecnica. Tge che la «power passlunghista» Valeria Cavelti manegia da quella è tant surpraisa sco motivaziun.
Savida da valur dal G.O.A.T. (la chaura)
Nundumbraivels kilometers han Marcus ed Elias gia fatg sin la loipa, dentant anc betg avunda per s'avischinar a la liga da l'elita. Per pudair far in u l'auter pass pli datiers a quella finamira (segir pauc realistic – rem. d. red.) han ils hobbypasslunghists discurrì cun il profi Dario Cologna. Buns tips hai en mintga cas dà – dentant er intginas infurmaziuns che chaschunan per dischillusiun.
Char Marcus, char Elias – co statti cun la motivaziun?
Tgi n'enconuscha betg la difficultad da tegnair la motivaziun sin livel aut durant in pli grond project. Tge ch'ha cumenzà plain euforia è sa sviluppà tar in viadi mental cun intgins «ups and downs». Co ch'i stat cun la motivaziun da noss hobby-passlunghists? Para sco sin ina pista da bots.
Tgi è pli spert? Nus avain fatg la runda en biro
Anc trais emnas enfin il grond di dal maraton da skis engiadinais. Temp per far la runda en biro e dumandar a collavuraturas e collavuraturs da RTR tgi che fa la cursa tranter Marcus ed Elias.
Il pli plaun perda duas giadas
Ultra dal plaschair da gudagnar è er la tema da la terrada ina buna metoda da motivaziun. Tuts dus da noss atlets han perquai pronunzià in chasti per lur contrahent che quel sto acceptar en cas d'ina terrada.
Chasti per Marcus:
Sche Marcus arriva suenter Elias en l'arrivada sto el sa participar ils 21 d'avrigl al «Mezmaraton da Turitg». 21km a pe.
Chasti per Elias:
Sch'Elias arriva suenter Marcus en l'arrivada sto el sa schar tetovar ina caricatura da Marcus sco passlunghist victorius. Marcus tscherna il motiv. Elias il lieu.
Marcus ed Elias perdan plaunet la motivaziun
Suenter intginas emnas adina puspè sin la loipa stagnescha il progress da noss passlunghists preferids Marcus ed Elias. Per sa sviluppar sportivamain vinavant èn els dus sa decidids da far diever d'agid professiunal. Ina damaun fitg fraida a Segl han els danovamain montà ils skis e gì l'onur da pudair emprender da Curdin Perl.
Be anc tschintg emnas
Tschintg emnas restan anc enfin il grond di dal maraton da skis. Las emprimas experientschas sin loipa èn vegnidas fatgas, ils emprims gels traguttids ed uss? Datti in svilup? «Gea, dentant...» è la resposta. L'euforia da l'entschatta è passada, ussa vali da restar londervi.
Sco emprim vali da star sin quel ski
Suenter che Elias e Marcus èn stads per il material hai natiralmain er gì num da star sin quels skis satigls. E tge furma fiss pli adattada e pli autentica per quai ch'in vlog. In vlog che mussa, ch'i dat anc ina u tschella flaivlezza.
Carbon E motivaziun
Per insumma pudair ir cun skis da passlung dovran Elias e Marcus er il material adattà. Per quel èn els stads en ina butia da sport – ed els n'han probabel betg fatg simpel al persunal da vendita. Ma la fin finala èn els equipads e vinavant motivads sco anc mai avant per questa challenge.
Fit è insatge auter
Per savair tge e co trenar sin il Maraton da skis engiadinais han Elias e Marcus survegnì sustegn professiunal. Tratgas, punts, flexiuns e kettlebell swings ... quai be intgins elements dal trenament inizial ch'ils dus laics dal passlung han fatg il december tar la trenadra persunala Ornella Poltera. Natiralmain hai er dà tips da nutriment e recumandaziuns en vista dal maraton.
Ideas sturnas
I va per dumagnar l'entir traject da Segl fin a S-chanf, tut ils 42 kilometers. Tgi ch'è pli spert en l'arrivada decida in chasti per il perdent.
Quai èn ils duellants
grondezza/pais
176cm – 65kg
marca da skis
Atomic
prognosa da temp/gels da nutriment
2:58h – 5 gels
parola da motivaziun
«Passlung nun es ün sport – passlung es ün lifestyle»
snack preferì
té da schentsch (ingwer)
idol
Muhammad Ali
finamira secundara
dapli respect dad Elias
grondezza/pais
182cm – 82kg
marca da skis
Fischer (tut tschai è a mai memia plaun)
prognosa da temp/gels da nutriment
sut 2:30h – 4 gels
parola da motivaziun
«Schi nun arda la chomma, la schleppa chi clomma»
snack preferì
ovs cotgs
idol
Dario Cologna
finamira secundara
smetter da fimar
RTR accumpogna ils dus hobby-passlunghists tar lur aventura ambiziusa. I spetgan tranter auter ina diagnostica sportiva, trenaments professiunals e dus mais cun barbagiat. Elias e Marcus dattan qua regularmain updates da lur fitness, da lur situaziun mentala e da la loipa.
