Stgars in'ura ha Golubic giugà sin il court numer 6. Gia suenter 15 minutas ha ella manà cun 5:0. Curt suenter è l'emprim set stà sut tetg. Er en il segund set hai cumenzà bain per Golubic. Tar il stan da 4:1 ha ella gì duas schanzas al 5:1.
Cun la victoria davant egl, l'emprima al US Open, hai dentant cumenzà a dar dapart. Sur tut tar il service ha ella gì dapli difficultads che l'entschatta. Plinavant ha la Bielorussa fatg pli paucs sbagls. En il terz set è Lapko stada la meglra giugadra.
En la segunda runda frunta Lapko sin la victura da la partida tranter Julia Putinzewa dal Kasachstan e Robin Montgomerie dals Stadis Undis.