Di da material da Swiss Ski - Cun nov material en la nova stagiun da skis

Il di da material da Swiss Ski stgars trais emnas avant l’emprima cursa da skis da la stagiun a Sölden è sco Nadal e Pasca en ina. Las atletas ed ils atlets da tut ils caders da Swiss Ski survegnan lura lur nova mandura. Giaccas, chautschas, il dress da skis, dentant era pullovers, chapitschas, manetschas e soccas èn tut part da questa nova mandura. Uschia na fan las skiunzas ed ils skiunz svizzers betg mo ina buna figura sin las pistas, dentant era speras.

Impressiuns dal di da material

Inscunter da la gronda famiglia da skis

I na capita betg uschè savens che skiunzas e skiunzs s’inscuntran al medem lieu da cursa. Per il solit èn las damas en auters lieus sin pista durant las cursas che ils umens. Uschia è il di da material per omadus ina buna occasiun da passentar in di da cumpagnia e da vegnir en il discurs. Perquai s’allegran las skiunzas ed ils skiunzs sin quest di. Il di da material è dentant er il tun da partenza en la nova stagiun da skis che cumenza alura cun las cursas da slalom gigant ils 26 e 27 d’october a Sölden.