Marco Odermatt manchenta puspè mo per il nair da l'ungla l'emprima victoria en ina cursa rapida da la cuppa mundiala. A Beaver Creek è il Norvegiais Aleksander Kilde stà pli spert che Odermatt – sco gia avant in'emna a Lake Louise. Il Svizzer ha pers 6 tschientavels sin il victur.
Ils Svizzers Beat Feuz e Niels Hintermann vegnan ex aequo sin plaz 9, e Stefan Rogentin sin plaz 11. Tuts trais han in retard da passa ina secunda sin Kilde.
