Crans Montana - Victoria dubla ed ina culla pitschna per Corinne Suter
En la segunda cursa da la cuppa mundiala a Crans Montana han Lara Gut-Behrami e Corinne Suter puspè procurà per ina victoria dubla. Sco gia ier ha il duo gudagnà las plazzas sisum il podest.
Lara Gut-Behrami ha gudagnà per la segunda giada en 24 uras, sia 26avla victoria en la cuppa mundiala. Quai suenter ch'ella n'ha dus onns ditg betg pli pudì star sisum il podest. Stà èsi dentant fitg stretg tranter las duas Svizras. Be 2 tschientavels pli svelta è Gut-Behrami stada cumpareglià cun Corinne Suter.
Culla pitschna per Suter
Sco segunda è Corinne Suter tuttina er stada ina victura. La Svizra da 25 onns gudogna numnadamain sco emprima svizra dapi Chantal Bournissen il 1991 puspè la culla pitschna da cristal en la cuppa mundiala da la cursa rapida.
Las victuras svizras da la culla pitschna en la cursa rapida
