La FIS, la Federaziun internaziunala da skis, ha silsuenter confermà la decisiun. La regiun Venezia, en la quala sa chatta Cortina d'Ampezzo, è ina da la regiuns las pli pertutgadas dal coronavirus.
Feuz per la terza giada
Pervi da questa decisiun èsi er gia cler che la Svizra gudogna duas ulteriuras cullas pitschnas: Beat Feuz gudogna la culla pitschna en la disciplina cursa rapida. Quai per la terza giada en seria.
Duas cullas per Suter
Tar las dunnas gudogna Corinne Suter suenter quella en la cursa rapida er la culla pitschna dal super-G. L’ultima giada ch’ina skiunza svizra ha gudagnà omaduas cullas en las disciplinas spertas è stada Michela Figini il 1988.
RTR novitads 20:00