Impressiuns da las cursas d'elita a Gstaad
-
Bild 1 von 11. Il podest dals umens d'elita: Mathias Flückiger (1.), Nino Schurter (2.), Marcel Guerrini (3.), Lars Forster (4.) e Lukas Flückiger (5.). Bildquelle: Andreas Wieland.
-
Bild 2 von 11. Nino Schurter emprova da scappar da Marcel Guerrini. Bildquelle: Keystone.
-
Bild 3 von 11. Jolanda Neff avant Sina Frei. Bildquelle: Andreas Wieland.
-
Bild 4 von 11. Gronda tensiun paucas secundas avant il sajet da partenza. Bildquelle: Andreas Wieland.
-
Bild 5 von 11. Mathias Flückiger per la segunda giada suenter il 2018 campiun svizzer tar l'elita. Bildquelle: Keystone.
-
Bild 6 von 11. Las medaglias als campiunadis svizzers da mtb. Bildquelle: Andreas Wieland.
-
Bild 7 von 11. Jolanda Neff sin via al 6avel titel en seria. Bildquelle: Keystone.
-
Bild 8 von 11. Vital Albin da Tersnaus cun il numer 6. Bildquelle: Andreas Wieland.
-
Bild 9 von 11. Il podest da las dunnas d'elita: Jolanda Neff (1.), Alessandra Keller (2.) e Sina Frei (3.). Bildquelle: Andreas Wieland.
-
Bild 10 von 11. Nino Schurter – vicecampiun svizzer 2021. Bildquelle: Andreas Wieland.
-
Bild 11 von 11. Alessandra Keller avant Sina Frei. Bildquelle: Andreas Wieland.
Nov campiun svizzer è Mathias Flückiger. Il Bernais ha dominà la cursa dad A fin Z e triumfà a moda suverana. La finala ha Flückiger, ch’ha pudì sa distanziar da l’entira concurrenza gia en la segunda da set rundas, triumfà cun in avantatg da 1:14 minutas sin Nino Schurter. Cumplettà il podest sco terz ha Marcel Guerrini ch’ha pers bun 15 secundas sin Schurter.
Vital Albin manchenta ils top 5
Cun Vital Albin sco 9avel ha er il segund mountainbiker oriund da Tersnaus cuntanschì in plaz sut ils top 10 tar sia emprima cursa cun l’elita a campiunadis svizzers. Sia finamira era dentant da vegnir tranter ils top 5. Albin ha pers bun quatter minutas sin Mathias Flückiger. Ina buna prestaziun ha er Andrin Beeli mussà a Gstaad. Il mountainbiker da Sagogn è vegnì 16avel, duas posiziuns avant Ursin Spescha da Sevgein.
Puspè Jolanda Neff
Tar las dunnas ha Jolanda Neff gudagnà il 7avel titel da campiunessa svizra tar l’elita, il 6avel titel en seria. Neff ha procurà per la differenza sin la davosa runda. Paucs kilometers avant l’arrivada ha ella pudì sa distanziar d’Alessandra Keller ch’ha la finala pers 14 secundas sin Neff. Gudagnà la medaglia da bronz ha Sina Frei. Linda Indergand, tar las davosas cursas adina la meglra svizra, ha suenter in defect curt suenter la partenza stuì sa cuntentar cun il quart plaz.
Ils 19 e 20 da zercladur stat sin il program la terza da set cursas da la seria Swiss Bike Cup, quai a Gränichen en il chantun Argovia. In'emna pli tard spetgan las proximas cursas a Savognin en il Grischun. Silsuenter spetgan anc las cursas a Basilea, a Lugano e sco finiziun l'entschatta october a Schaan.