video
Reusser: «L'imni ollandais sai jau bunamain ordador»
Or da Sport-Clip dals 18.09.2022.
laschar ir. Durada: 2 minutas 29 Secundas.
Marlen Reusser ha gudagnà la medaglia da bronz en la cursa cunter l’ura sur 34,2 km a Wollongong en l’Australia. La Bernaisa ha pers 41 secundas sin la victura e defensura dal titel, l’Ollandaisa Ellen van Dijk. Argient va a la matadora locala Grace Brown ch’è stada per 29 secundas pli sperta che Reusser.
Per la Bernaisa da 30 onns èsi suenter duas giadas argient il 2020 ad Imola ed il 2021 a Flandra gia la terza medaglia en seria a campiunadis mundials. Als gieus olimpics a Tokio l'onn passà ha ella er gudagnà la medaglia d'argient.
Hartmann è cupitgada
La Grischuna Elena Hartmann ha terminà la cursa sin il 26avel plaz. La debutanta da 31 onnns oriunda da Domat è cupitgada ed ha stuì midar il velo. Sin la victura ha ella pers la finala tschintg minutas.
video
Hartmann: «La trumpada è gronda»
Or da Sport-Clip dals 18.09.2022.
laschar ir. Durada: 53 Secundas.
