1 balla: l'entschatta da l'onn è la balla uffiziala «Oceaunz» vegnida preschentada a Sydney. Cun ses design vul ella represchentar las muntognas da la Nova Zelanda e co l'Australia collia cun l'Ocean Indic. Il num deriva da «Oceania» e l'abreviaziun dals pajais ospitants.
2 pajais: L'emprima giada en l'istorgia ha in campiunadi mundial da ballape da las dunnas lieu en dus pajais.
4 zonas da temp: Ils lieus da gieu australians: Perth, Adelaide, Brisbane, Melbourne e Sydney èn en 3 differentas zonas da temp. Vitiers vegn la differenza da temp da 10 uras tar nus cumpareglià cun la Nova Zelanda.
8 novizs: Haiti, Irlanda, Maroc, Panama, las Filippinas (en la gruppa cun la Svizra), Portugal, Sambia, e Vietnam dattan lur debut ad ina runda finala dad in turnier mundial da dunnas.
9 annunzias: Anc mai hai dà uschè bleras annunzias tar la Fifa per l'ediziun dad in campiunadi mundial da dunnas. L'Australia e la Nova Zelanda han fatg la cursa cunter la Columbia, l'Argentinia, la Brasilia, il Giapun, la Corea dal Nord e dal Sid, l'Africa dal Sid, la Belgia e la Bolivia.
10 stadions: Il campiunadi mundial 2023 ha lieu en 10 stadions situads en 9 citads.
32 equipas: Suenter ch'il campiunadi mundial dals umens è l'emprima giada vegnì schlargià sin 32 equipas il 1998, dumbra uss l'emprima giada è il turnier mundial da las dunnas 32 equipas. Tar lur emprim campiunadi mundial, l'onn 1991 en China, eri anc be 12 equipas.
44'000 plazs: Uschè blers plazs han ils stadions en media, quai ch'è in record.
83'500 aspectaturs: Uschè blers plazs ha il stadion «Australia» a Sydney, nua ch'il final vegn giugà ils 20 d'avust.
152'000'000 dollars: La summa da premias è 3 giadas uschè auta sco tar l'ultim campiunadi mundial dal 2019. Total 152 milliuns dollas vegnan pajads. Il 2015 (cu la Svizra è stada l'emprima gia da la partida) ha la Fifa gì mess a dispoziun 15 milliuns a las dunnas. La differenza tranter giugadurs e giugaduras è anc adina frapant. Il 2022 en il Qatar è vegnÌ pajà 440 milliuns dollars premias.