Sco spetgà desista Nino Schurter d'ir a la partenza tar il campiunadi europeic da mountainbike ils 19 d'avust a Minca. El sa concentrescha sin il campiunadi mundial ch'ha lieu in'emna pli tard en la Frantscha. L'entschatta ha Flückiger er vulì desister da la cursa en Germania, uss dentant ha el dà da savair ch'el giaja tuttina. El saja sa revegnì bain da sia malsogna da corona e bajegiar si la furma giaja pli bain che pensà.
A la testa da la squadra svizra dals umens è Filippo Colombo. Tar las dunnas ils 20 d'avust partan era las top atletas Jolanda Neff, Sina Frei, Linda Indergand ed Alessandra Keller.
audio
Per tadlar: las novitads da las 17:00
ord RTR Audio dals 08.08.2022.
laschar ir. Durada: 4 minutas 51 Secundas.
