Campiunadi da hockey - Liga naziunala senza gieus da la sonda ad interim
La Swiss Hockey League adattescha il plan da gieus davent dal december – suenter ils blers gieus spustads. Fin il favrer na vegni strusch pli a dar gieus la sonda.
Suenter che mintga da las 12 equipas da la liga naziunala ha almain ina giada stuì ir en quarantina, en ils responsabels sfurzads d’adattar il plan da gieus. Uschia emprovan els da vegnir a fin cun la qualificaziun sco previs sin ils 22 da mars.
La Swiss Hockey League sa concentrescha sin mardi e venderdi sco dis da gieu – per betg stuair spustar mintgamai trais gieus sch'in team sto ir en quarantina pervi da corona.
