Brida Castelberg ha dapi sia naschientscha in impediment vid la vesida. A dretg ora na vesa la giuvna da Rabius nagut, mo sin las varts. Perquai è l'Argo a Glion il dachasa dad ella durant l'emna. Quai n' impedescha dentant betg ella da sa deditgar a ses grond hobi il passlung. Quasi mintga fin d'emna da bell'aura fa Brida Castelberg passlung. Quai oravant tut sin la loipa tranter Trun e Mustér.
-
Bild 1 von 4Legenda: Brida Castelberg sa legra d'astgar sa participar als National Winter Games a Villars en il chantun Vad. MAD -
Bild 2 von 4Legenda: Brida Castelberg lavura gugent en l'Argo a Glion. RTR, Gian Carlo Candinas
-
Bild 3 von 4Legenda: La gronda passiun da Brida Castelerg è il passlung. RTR, Gian Carlo Candinas
-
Bild 4 von 4Legenda: Il passlung è la gronda passiun da la giuvna da 24 onns. MAD
National Winter Games - in event tut spezial per ella
Ils National Winter Games èn ina occurrenza nua che persunas cun in impediment spiertal pon sa participar. Dals 23 fin ils 26 da schaner èn radund 600 persunas da la partida en differentas discplinas a Villars. Per la giuvna da Rabius èsi ina gronda onur dad esser ina da las participantas.
Jau sun schon in zic gnervusa. Igl è da patratgar positiv epi vegni bun.
Brida Castelberg na sa legra dentant betg mo sin las cursas da passlung che spetgan sin ella, mabain era sin il program da rama. La giuvna sa legra er da prender d'enconuscher novas persunas. E plinavant er da giudair ina giada in'autra loipa che quella tranter Trun e Mustér.
RTR actualitad 11:00