Ella sa legria sco in uffantin da puspè star sin il court, ha ditg Heidrich a la conferenza da pressa a Berna. Suenter ch'ella n'ha ditg betg savì sch'ella possia insumma puspè dar beachvolleyball, sa sentia ella uss pronta da sa mesirar cun ils megliers dal mund. Finamira a lunga vista per las duas Turitgaisas èsi da sa qualifitgar als gieus olimpics dal 2024 a Paris.
Sa blessada era Heidrich ils 19 da zercladur da l'onn passà al campiunadi mundial a Roma. Quai en il gieu per bronz. La spatla ch'era vegnida dischlocada han ins puspè mess a lieu anc sin il plaz. Suenter è suandada in'operaziun en Svizra.