Ballape - Livia Peng mida en la Bundesliga

La golia da ballape grischuna Livia Peng ch'è actualmain cun la naziunala svizra al campiunadi mundial mida club. Da Levante en Spagna, nua ch'ella è stada en gol l'ultim mez onn, mida Livia Peng en la Bundesliga, tar il SV Werder Bremen. Quai scriva il club tudestg. Werder Bremen ha terminà il davos campiunadi tudestg sin plaz otg. Avant in onn aveva Livia Peng midà da l'FC Turitg en la Svezia tar BK Häcken. Il club svedais ha lura emprestà la Grischuna a Levante.