Al FCZ avess gia in remis tanschì per il titel anticipà. Curt avant la pausa hai dentant dà ils gols. Assan Ceesay ha tutgà suenter in culp liber da Blerim Dzemaili cun il chau al 1:0. Set minutas pli tard ha Nikola Boranijasevic fatg il segund gol.
Per l'equipa trenada dal tudestg André Breitenreiter èsi l'emprim titel da campiun dapi il 2009. Cun in titel nunspetgà e tuttina suveran, ha il FCZ finì la seria dals Young Boys che han pudì festivar sco ultim quatter titels en seria.