Ballape - Croazia è sa qualifitgada per il final da la Nations League

La Croazia è sa qualifitgada per il final da la Nations League. Quai grazia ad ina victoria da 4 :2 suenter prolungaziun cunter l’Ollanda a Rotterdam. Pir en la sisavla minuta dal temp supplementar han ils Ollandais fatg il 2:2. En la prolungaziun han lura Petkovic e Modric procurà per la differenza. Il segund mezfinal è questa saira: Lura frunta la Spagna sin l’Italia.