En la 20avla minuta è in pass dal Spagnol Pedri ì en il fauss gol. Ils proxims tuns èn dentant ids en ils dretgs gols. Ils trais Spagnols Pablo Sarabia (38'), Cesar Azpilicueta (57') e Ferran Torres (77') han bajegià or l'avantatg. En las davosas diesch minutas han ils Croats dentant anc ina giada dà tut: En la 85avla minuta ha il Mislav Oršic fatg il 2:3, durant il temp supplementar ha Mario Pašalic anc fatg il pari.
En la prolungaziun han la Spagna dentant mussà lur qualitads: En la 100avla minuta ha Morata fatg il 3:4, trais minutas pli tard ha Oyarzabal bajegià or l'avantatg sin 3:5.
En il quartfinal fruntan ils Spagnols sin la Svizra.
