L'equipa naziunala da ballape dals sut 21 cuntinuescha cun sia seria da victorias. La squadra ha gudagnà a chasa cunter Aserbaidschan cun 2:1. Igl è la 9avla victoria en il 9avel gieu da qualificaziun per il campiunadi europeic 2021. Il gol decisiv ha fatg Filip Stojikovic en la 91avla minuta.
Cun la victoria resta la Svizra a la testa da la gruppa da qualificaziun. Sin plaz dus è la Frantscha, sin plaz trais Georgia. Il davos gieu da quella runda dat la Svizra glindesdi proxim cunter la Frantscha.
Ulteriurs resultads da la gruppa
- Georgia gudogna cunter la Slovachia cun 2:1
- Liechtenstein perda cunter la Frantscha cun 0:5
