Sco ina bumba da maisa cun corda d'envidar fitg curta – il plan da gieus 2024 è explosivs. A la Cuppa Spengler fruntan per l’ina Fribourg-Gottéron, Pardubice e Kärpät en la gruppa Torriani in sin l’auter, en la gruppa Cattini è quai Straubing, Canada e Tavau.
Il plan dals gieus
| Data | Gieu | Squadras |
|---|---|---|
| 26.12.2024 15:10 | 1 | Fibourg-Gottéron – HC Pardubice |
| 26.12.2024 20:15 | 2 | HC Davos – Team Canada |
| 27.12.2024 15:10 | 3 | Kärpät Oulu – Squadra perdenta da l'emprim gieu |
| 27.12.2024 20:15 | 4 | Straubing Tigers – Squadra perdenta dal segund gieu |
| 28.12.2024 15:10 | 5 | Victur da l'emprim gieu – Kärpät Oulu |
| 28.12.2024 20:15 | 6 | Victur da segund gieu – Straubing Tigers |
| 29.12.2024 15:10 | 7 | 2. Gruppa Torriani – 3. Gruppa Cattini |
| 29.12.2024 20:15 | 8 | 2. Gruppa Cattini – 3. Gruppa Torriani |
| 30.12.2024 | 9 | 1. Gruppa Cattini – Victur gieu 7 |
| 30.12.2024 | 10 | 1. Gruppa Torriani – Victur gieu 8 |
| 31.12.2024 | 11 | Victur gieu 9 – Victur gieu 10 |
A la 96avla Cuppa Spengler a Tavau sa participeschan sis equipas dalunsch e damanaivel. Dasper il defensur dal titel Tavau ed il Team Canada èn quai:
Kärpät Oulu
Il club da hockey da la Finlanda vegn a sa participar per l'emprima giada a la Cuppa Spengler. En tut ha questa equipa gudagnà otg giadas il titel da campiun da la Finlanda.
Fribourg-Gottéron
Fribourg-Gottéron cumbatta per la terza giada al turnier da tradiziun. Il club da hockey ha gì ina grondiusa stagiun 23/24 e cuntanschì ils mezfinals dals playoffs.
Straubing Tigers
L'emprima giada dapi il 2018 sa participescha puspè ina equipa da la pli auta liga tudestga a la Cuppa Spengler. Ils Bavarais èn dapi quatter onns sut ils top quatter da la DEL.
Dynamo Pardubice
Il club da hockey da la Tschechia è gia sa participà trais giadas a la Cuppa Spengler. Il 2023 han ils Tschecs cuntanschì il final. L'equipa è gia stada sis giadas cumpiun da la Tschechia.
Or da l'archiv:
