I na vegn betg savens avant ch’il stadion da glatsch a Tavau vegn bajegià enturn en in’arena da gala. Per ina saira è il glatsch stà svanì sut il tarpun cotschen, il glatsch è daventà la tribuna per bunamain 700 osps.
Discurs cun Marc Gianola, ina legenda ed actual CEO dal HCD.
04:05 min, ord Sport ed actualitad dals 14.11.2021.
laschar ir. Durada: 4 minutas 5 Secundas.
A chaschun dal giubileum da 100 onns Club da hockey da Tavau vegnan organisads quest onn divers acts festivs. In dals puncts culminants è la notg da legendas. Ina saira da gala sportiva ed eleganta embellida cun musica e saut, tranter auter cun tuns e suns dal Swiss Orchestra e la Pepe Lienhard Band. Tranter mintga tratga ha Jann Billeter, ch’ha manà tras la saira, discurrì cun anteriuras legendas dal HCD, legendas ch’han scrit blera ed impurtanta istorgia per quest club che tegna il record cun 31 titels da campiun svizzer durant quels davos 100 onns.
Legenda:
En il nov stadion dal HCD vegn uss er celebrà l'istorgia dal Club cun ina uschè numnada Hall of Fame.
Keystone