Ch'i saja en nossa vita professiunala u privata; senza savair leger e scriver n'è noss mintgadi strusch da s'imaginar. Ma co èsi, sch'ins ha miserias cun quai? Cun tge stigma vegn ins chargià, sch'ins na sa betg scriver in e-mail senza sbagls? Èsi pussaivel da far in studi, sch'ils bustabs davant ins n'èn nagut auter ch'in caos?
Enfin 8% da la populaziun viva cun ina tala flaivlezza. Tar furmas deblas sa laschi viver bain cun ina tala, ma en cas pli gravants po quai franar ina carriera da scola ed er esser ina paisa psicologica.
En La Marella raquintan duas dunnas pertutgadas da lur percurs e da quai ch'ha la finala gidà ellas. Plinavant explitgescha ina pedagoga curativa da las midadas dals ultims onns e tge che la scola populara porscha ozendi ad uffants pertutgads.
«Cun ina mancanza d’intelligenza n’ha quai da far nagut!»
In'emissiun davart il «disturbi da leger e scriver» (pli baud numnà legastenia ubain dislexia).
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter