Noss focus: la religiun. Questa fin demna envida Vita e cretta a las segund grondas elecziuns democraticas dal mund – quellas da l'Uniun europeica.
Questa fin d'emna elegian 27 stadis cun var 360 milliuns umans cun dretg da vuschar lur represchentantas e represchentants da lur parlament communabel a Brüssel. In che observa tge che curra e passa en la metropola da l'Uniun europeica è il correspundent da SRF, Andreas Reich. Vita e cretta ha discurrì cun el davart las elecziuns, las forzas da la dretga e la dumonda, tge rolla che la religiun gioga en questa uniun da pajais che sa refereschan en ina u l'autra maniera sin ragischs cristianas.
