«Eu nu laiv plü viver» – sch’il mintgadi daventa l’enfiern causa mobing

Ella è vegnida fatga a fin durant onns. Mintga di da scola ha ella experimentà novas umiliaziuns. Insultas, smanatschas ed attatgas fisicas eran il mintgadi per la scolara primara. Il di che ses mortifitgader ha spidà sin ella, ha ella pers il gust da viver. Mengia (il dretg num na vegn betg numnà en l'emissiun) e sia mamma raquintan quest'istorgia da mobing. Da las schicanas al suicidi empruvà, a la guariziun en psichiatria suenter set onns schicana tras conscolars.

Tuttina sco cun Mengia vai cun blers uffants en Svizra. Differentas retschertgas mussan che mintga ventgavel uffant en Svizra inditgescha d'avair fatg experientschas cun mobing. En questa Marella preschentain nus ina da (memia) bleras istorgias da mobing.