Pertutgà èn qua fotografias, videos, commentaris ed er ils textins en las legendas. Vitiers vul Meta metter a disposiziun las datas d'utilisadras e d'utilisaders «a terzas persunas, inclusiv sviluppaders e perscrutaders». Ins na sa propi betg, tge che quai munta la fin finala.
Tgi che na vul betg quai, po far protesta fin ils 26 da zercladur 2024.
Uschia funcziuni
Ins po scrollar qua in lung temp fin chins chatta il punct che ha num Widerspruchsrecht. Ussa avess in formular da s'avrir in nua ch'ins sto inditgar il pajais e l'adressa da mail ch'ins ha registrà sin il conto. En il medem formular pudais Vus scriver in zic pli engiu en il champ da text la suandanta construcziun: «Ich möchte nicht, dass meine persönlichen Daten für das Training einer Meta-KI genutzt werden.» U era «Ich habe das Urheberrecht an meinen geposteten Daten und erteile kein Nutzungsrecht für KI-Anwendungen.»
Uss avess in e-mail da confirmaziun d'arrivar en il caum da mail.
