Maik Bisquolm ha uss 24 onns e lavura sco pedel a Glion. En quest Profil guarda el enavos en sia uffanza a Rabius. El raquinta co ch'el è vegnì exclus e schicanà sistematicamain, fin a quel di ch'el ha decis da betg pli ir a scola. Sco mattet da 5avla classa sa zuppava el dis a la lunga en in clavà per guntgir a ses malfacturs. El raquinta dal stress psichic chel ha subì, da creschids che n'han betg tadlà – e co ch'ina singula persuna è stada buna dad interrumper quest circul vizius da mobing.
Oz s'engascha Maik Bisquolm sez cunter mobing a scola – quai cun raquintar sia istorgia, per sensibilisar e dar curaschi a victimas pertutgadas actualmain.
Maik Bisquolm: «Enfin oz ma turmenta il mobing da pli baud.»
El è vegnì schicanà e turmentà durant tut il temp da scola primara da ses conscolars e sias conscolaras. Il mobing ha laschà enavos fastizs e plajas enfin il di dad oz.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter