La cifra: minus 42.4 grads

Il Sägitalsee sa chatta datiers dal Lai da Brienz sin prest 2'000 meters sur mar en in fop, pia circumstanzas idealas per fradaglias. Quella mesiraziun fa concurrenza a La Brévine en il chantun Giura che vala sco «Sibiria da la Svizra» che tegna il record da fradaglia cun minus 41.8 grads, mesirà il 1987. Stephan Vogt va en ses temp liber a la tschertga da lieus fraids. Sia mesiraziun al Sägitalsee na vala dentant betg sco nov record svizzer da fradaglias; per records vegnan numnadamain be risguardadas mesiraziuns da la rait da Meteo Svizra. Il record resta cun quai a La Brévine. Stephan Vogt na disturba quai dentant betg sco el di, el haja simplamain plaschair da la fradaglia che haja gia fascinà el da pitschen ensi. Perquai er ses moto: Pli fraid e meglier ch’igl è.