Transport d'autos - Webshop per cumprar bigliet tras il Vereina
Da nov pon clients regulars, sco era clients novs cumprar online il bigliet per ir tras il Verenina. Quai ha communitgà la Viafier retica. Cun questa midada vegnia pli simpel d'utilisar il transport d'autos e il process sin la via d'acess vegnian meglierads.
Sco proxim svilup vul l'interpresa porscher, dasper ils vials cun cassas occupadas, era vials automatisads. Quai lubeschia en il futur a clients cun autos da persunas fin a 3,5 tonnas, e bigliets digitals u cartas da valur, d'arrivar independent al tren d'autos. Las adattaziuns necessarias fa la Viafier retica ils proxims dus onns.
Il nov shop online è vegnì testà gia dapi mez november 2021 da stgars 600 utilisadras ed utilisaders. Total hai dà radund 3'000 transacziuns.