Cunquai ch'il WEF è vegnì ditg giu pli baud quest onn – cumpareglià cun l'onn avant – hajan ins gì temp da vender ils letgs autramain, di la presidenta da Hotel Gastro Tavau, Tamara Henderson.
Nus badain ch'igl è la segunda giada en fila ch'il WEF n'ha betg lieu. Intgins giasts da l'onn passà èn vegnids era quest onn durant l'emna dal WEF.
Sut il stritg resta tuttina ina perdita en congual cun in onn cun WEF. Ils pretschs ch'ils participants dal WEF pajan sajan simplamain auters, che quels che giasts normals pajan.
En pli ston ins intunar, ch'il WEF n'è betg stritgà mabain spustà sin la primavaira u la stad.
Ch'il Forum d'economia mundial n'ha betg lieu sveglia a Tavau differentas opiniuns. Entant ch'ils ins èn trists, èn auters cuntents da betg stuair viver cun las restricziuns.
