Suenter ch'i aveva dà critica ord la politica surprenda il Forum mundial d'economia a Tavau (WEF) dapli custs per la segirezza da l'occurrenza. Il parlament ha concedì 2,55 milliuns francs ad onn per las proximas trais ediziuns dal WEF. Quai è pli pauc ch'ils ultims onns: Lura avevi dà contribuziuns annualas da 3,66 milliuns francs da la Confederaziun.
La dumonda da sustegn per finanziar la segirezza aveva il chantun Grischun fatg. Il Cussegl federal ha approvà la dumonda – il davos pled en chapitel ha dentant il parlament. Sper il sustegn finanzial datti er sustegn da l'armada per realisar ils proxims WEFs.
Ord l'archiv
La segirezza è ina chaussa naziunala.
