L'Uffizi federal da sanadad prenda mesiras preventivas cunter il virus corona. Pli sever vegn l'obligaziun d'annunzia. A partir da glindesdi ston medis annunziar cas da suspect dal virus entaifer duas uras al Chantun ed a la Confederaziun. Vinavant è l'uffizi en contact cun organisaziuns da turissem. Quai da ditg il pledader da l'Uffizi federal da sanadad envers l'agentura da novitads Keystone-SDA.
En Svizra datti intgins cas da suspect dal virus. Confermà n'è dentant anc nagin da quels. Il ristg ch'ins s'infectescha en Svizra cun il virus da corona saja per il mument bass, ha ditg il pledader vinavant.
Fin uss èn s'infectadas var 2'000 persunas sin tut il mund. 56 persunas sajan fin uss mortas pervia dal virus da corona.
audio
Per tadlar curt e cumpact
ord Novitads dals 26.01.2020.
laschar ir. Durada: 1 minuta 11 Secundas.
RTR novitads 14:00