Las vias svizras èn stuppadas adina pli fitg, cunzunt il tunnel dal Gottard, nua ch’i vegn quest onn a dar in nov record da colonnas. Quai mussa ina evaluaziun exclusiva da Viasuisse per incumbensa dal «SonntagsBlick».
![Traffic la stad 2023 a Wasen, envers il sid.](https://www.rtr.ch/static/cms/images/960w/76d457.jpg)
En cumparegliaziun cun l'onn 2012 èn las uras da colonnas al tunnel dal Gottard sa dublegiadas. Er en quasi tut las citads grondas da la Svizra è la situaziun da traffic sa pegiurada. Tut en tut èn vegnidas registradas l'onn 2022 sin las vias bunamain 40'000 uras da colonna, dapli ch'il dubel dapi l'onn 2010.