Era la Svizra è pertutgada ch'il concern da farma Pfizer furnescha las proximas emnas damain vaccin cunter corona en l'Europa. Quai ha confermà la vicedirectura da l'Uffizi federal da sanadad, Nora Kronig, envers la Tagesschau da SRF.
Damain vaccin davent da glindesdi
Els quintian gia tar la furniziun da damaun cun damain dosas dal vaccin. La segunda dosa per las persunas ch'èn gia vaccinadas na saja dentant betg en privel, ha Kronig punctuà. La stretga mussia, quant impurtant ch'i saja che la Svizra haja prendì en mira differents vaccins.
