En dus da trais cas n'èn las reacziuns secundaras suenter ina vaccinaziun dentant betg gravantas. Il pli savens, han ins constatà fevra, miseria da trair flad e mal il chau, dentant era herpes e snavurs.
Tar tut las reacziuns annunziadas sa tractia da cas da suspect. Quai vul dir ch'i n'è betg segir, schebain la reacziun ha sulettamain in connex temporal cun la vaccinaziun u sche quella è vegnida effectuada da la vaccinaziun.
2 da 3 cas n'èn betg gravants
La gronda part dals cas, numnadamain 948 u 63,8% n'èn betg stads gravants. 537 annunzias u 36,2% èn vegnids determinads sco gravants. En quels cas èn las persunas u vegnidas tractadas en l'ospital u ch'ils cas èn vegnids valitads ord auters motivs medicinals sco gravants. En ils blers cas na sajan ils pertutgads dentant betg stads periclitads. Plinavant vegn reclamà en ils pli blers cas da dapli che ina reacziun secundara (en media 2,6 reacziuns per annunzia).
Enfin ils 20 d'avrigl ha l'institut Swissmedic evaluà ensemen cun ils centers da farma regiunals 1'485 annunzias davart reacziuns secundaras en connex cun vaccins da Covid-19 en Svizra. Quellas confermian ils studis d'admissiun.