En Svizra saja fin ussa vegnì testà 200 cas da suspect. Da quels na sajan però nagins stads positivs. La finamira en Svizra restia dad identifitgar uschè spert sco pussaivel persunas cun sintoms, che viagheschian en da la China.
Passagiers vegnan infurmads a l'eroport
Perquai saja vegnì rinforzà la coordinaziun cun auters pajais. Tar il sulet sgol ch’i dat anc da la China en Svizra vegnan ils passagiers gia infurmads a l’eroport. Quels stoppian emplenir ora ina carta da contact per ch’ils auters passagiers possian vegnir infurmads pli spert en il cas da sintoms.
RTR novitads 16:00
