Il fieu artifizial dal prim d’avust tradiziunal vegn crititgà adina pli ferm. Er quest onn desistan puspè pliras citads e vischnancas da gronds fieus artifizials. Crititgads vegnan quels surtut pervi da la polluziun da l’aria. Tenor l’Uffizi federal d’ambient èn las particlas finas il grond problem. Radund 1’600 tonnas fieu artifizial ardian mintg’onn en Svizra. Quai correspundia a radund 300 tonnas respectivamain 2% da l’emissiun da particlas finas annuala en Svizra.
Fim po chaschunar tuss a persunas sensiblas
Spezialmain en cas d'aura senza vent possia il fim cun pulvra fina chaschunar difficultads da respirar e tuss tar persunas sensiblas. L’Uffizi federal d’ambient cusseglia a persunas cun malsognas da la via respiratorica e malsognas da la circulaziun d'evitar la vischinanza directa da fieus artifizials.
Era difficil per animals
Arder fieus artifizials en vischinanza da persunas po chaschunar donns irreversibels pervia dals auts nivels da canera. Perquai saja impurtant d'observar la distanza da segirezza inditgada sin l'emballadi. Ultra da quai è la canera er ina gronda chargia per ils animals. Fieus artifizials duajan perquai da princip vegnir duvrads en moda reservada e betg vegnir ars gia plirs dis avant il prim d'avust, scriva l'Uffizi d'ambient.
Stress e privel per plirs animals
-
Bild 1 von 7. Durant che tscherts chauns e giats reageschan mo fitg flaivel sin fieus artifizials, han auters panica. Tscherts animals da chasa reageschan era corporalmain, ed han per exempel diarrea. Bildquelle: Pixabay.
-
Bild 2 von 7. Tenor «Vier Pfoten» sa tracti per animals da chasa d'ina situaziun ch'els na pon betg classifitgar. Adina puspè vegnian animals da chasa annunziads sparids suenter la canera da fieus artifizials. Bildquelle: Pixabay.
-
Bild 3 von 7. Tenor la staziun ornitologica a Sempach haja pudì vegnir cumprovà scientificamain ch'er utschels reageschan cun panica sin canera artifiziala. Tras la panica poi dar collisiuns cun fatschadas da chasa. Bildquelle: Pixabay.
-
Bild 4 von 7. Durant la stad exista il privel che pulschains vegnan separads da lur geniturs e ch'els daventan uschia ina leva unfrenda d'inimis. En general han ins pudì cumprovar che disturbis sco p. ex. in fieu artifizial pon chaschunar ina reducziun da la rata da reproducziun sco er ina durada reducida da la vita dals utschels. Bildquelle: Pixabay.
-
Bild 5 von 7. La canera dals fieus artifizials po chaschunar ch'ils animals fugian en panica e siglian uschia per exempel avant in auto e chaschunan accidents. Tenor «Vier Pfoten» possia la canera artifiziala schizunt chaschunar spersas tar animals da fugia. Bildquelle: Keystone.
-
Bild 6 von 7. Tenor l'uniun Pro erizuns pon ils animals sa dasdar or da la sien d’enviern pervia da la canera da fieus artifizials da Silvester. L'erizun dovra uschia enorm blera energia che manca a la fin da l’enviern. Bildquelle: Keystone.
-
Bild 7 von 7. Ma er la stad saja quai in problem. Erizuns han ina fina udida ed audan meglier ch'ils umans. La canera po disturbar ils animals. Bildquelle: Pixabay.