A l’universitad da Turitg hai dà in’attatga da cyber seriusa. Fin uss na dettia dentant nagins indizis che datas sajan vegnidas enguladas ha communitgà l’universitad sin sia pagina d’internet. Ils attatgaders parian d'agir en maniera professiunala, sco che l'universitad scriva vinavant haja i dà en las ultimas emnas pliras attatgas cunter scolas autas en il territori da lingua tudestga.
Infurmà autoritads
L'Universitad da Turitg haja infurmà ils posts relevants sco la protecziun da datas, la Polizia chantunala turitgaisa sco er ulteriuras scolas autas ed organisaziuns associadas. Ella haja subit rinforzà sias mesiras da protecziun. Accounts e sistems cumpromess sajan vegnids isolads. Students, studentas, collavuraturs e collavuraturs da l'universitad èn vegnids dumandads da midar lur pleds-clav.
