Turissem - Dapli turists americans vegnan en Svizra
La Svizra è puspè pli attractiva per turistas e turists americans. L'onn passà ha la hotellaria svizra nudà 2,3 milliuns pernottaziuns da persunas dals Stadis Unids, 10% dapli che l'onn avant e schizunt passa 42% dapli ch'anc il 2013.
Be da la Germania vegnan anc dapli visitadras e visitaders en Svizra scrivan las gasettas SonntagsZeitung e Le Matin Dimanche.
Quest svilup saja surtut da declerar cun il fatg ch'i giaja fitg bain cun l'economia americana. Plinavant dettia blers sgols directs tranter ils Stadis Unids e la Svizra.