En Svizra resta il tschains da referenza per locaziun vinavant tar 1,5%. Quai ha communitgà l’Uffizi federal d’abitaziuns. Ils proprietaris e las proprietarias da chasas dastgan pia betg augmentar ils tschains, ed ils locataris e las locatarias n'han medemamain nagin dretg da pretender ina reducziun dals tschains.
Il tschains da referenza è vegnì introducì il 2008. Lura muntava el a 3,5%. Silsuenter è el sa reducì pass per pass ed è ditg stà tar 1,25 pertschient. Pir il zercladur da quest onn è el per l’emprima giada s’ augmentà . Quai suenter che la Banca naziunala svizra ha midà sia politica monetara.
