Per cumbatter las colonnas sin las autostradas svizras è il parlament federal pront da dar ora blers daners. Enstagl da las 4,4 milliardas ch'il Cussegl federal aveva proponì, vulan las duas chombras impunder 5,3 milliardas francs.
Quels 900 milliuns francs supplementars èn previs per schlargiar l'autostrada A1 al Lai da Genevra sin sis vials. Quai tranter Le Vengeron GE e Nyon VD.
Il Cussegl dals chantuns han sustegnì la decisiun dal Cussegl naziunal dad er resguardar quest traject en l'entir pachet.
La cundiziun è dentant ch'il Cussegl federal acceptia enfin la fin da l'onn il project general. Quel cuntegn schlargiaments d'autostradas en ils chantuns Berna, Son Gagl, Schaffusa e Basilea.