Tests da massa da corona en uschè bleras firmas sco pussaivel e quai en l’entira Svizra. Quai vul la Confederaziun. Ma realisar ston ils chantuns quai. Quels èn responsabels, ch'il material da test arriva tar las firmas e pli tard las provas en il labor.
Sch'in chantun preschenta in concept correspundent da testar, lura surpiglia la Confederaziun ils custs. Enfin uss han 22 chantuns preschentà concepts correspundents. Per interpresas che lavuran sin nivel naziunal fan questas reglas chantunals però tut pli cumplitgà.
Firmas sco las Viafiers federalas e La Posta prefereschan perquai in concept naziunal per ils tests da massa. La Confederaziun enconuschia il problem.
Ella saja vidlonder da chattar soluziuns cun las firmas pertutgadas. Quai ha confermà Jonas Montani, pledader dal BAG, envers l’emissiun «10vor10».