Tessin - Dus centers da test vegnan puspè averts

En il Tessin vegnan dus centers da test da corona puspè averts, in a Bellinzona e l'auter a Massagno. L'enviern duajan quels distgargiar las praticas da medi, las apotecas ed ils ospitals. Quai ha communitgà la regenza tessinaisa. Persunas che hajan sintoms da Covid duajan uschia avair anc pli spert la pussaivladad da laschar far in test da PCR. Ulteriuras raschuns sajan il svilup epidemiologic da las ultimas emnas ed er ch'i vegnia puspè pli fraid.