Il minister da finanzas, Ueli Maurar, è s'inscuntrà a Berna cun il nov schef da l'Organisaziun da cooperaziun e svilup economic, Mathias Cormann. En il discurs ha il cusseglier federal pretendì che tuts stoppian sa tegnair vi da las reglas sch'ins veglia introducir ina taglia minimala per fatschentas internaziunalas. Sche quai saja il cas, lura saja era las Svizra pronta da sa participar ed introducir questa taglia.
Represchentantas e represchentants da passa 130 pajais èn sa cunvegnids il cumenzament da fanadur sin ina tariffa da taglia minimala e globala da 15% per interpresas internaziunalas. Il punct critic ord vista Svizra: En Svizra è la media da la tariffa da taglia minimala pli bassa. Perquai ha Ueli Maurer anc tschertas resalvas ch'i pudess daverntar in dischavantatg per l'economia Svizra da sa participar a la taglia globala.
Gia dà glisch verda per refurma da taglia en Svizra
Avant trais emnas aveva il cusseglier federal però gia dà glisch verda per ina refurma da la taglia sin interpresas. Quai a chaschun da l'inscunter dals 20 pli impurtants stadis d'industria (G20) a Venezia. Co precis che quai duess funcziunar vegn decidì l'october. Là vulan ils stadis G20 definir las valurs directivas.