Tranter ils bun 900 participants da l'entira Svizra sa chattan era intgins rumantschs. Els cumbattan per il titel da campiun svizzer en ina da 75 clamadas. Bleras da quellas giuvnas e giuvens han gist absolvì lur emprendissadi ed han gia gudagnà la qualificaziun chantunala (organisada da da las federaziuns professiunala) per pudair sa participar als Swiss Skills.
Quels vegnan organisads la segunda giada suenter il 2014 en questa furma sin l’areal da la Bernexpo ed èn uschia la pli gronda show da professiuns dal mund. I vegnan spetgads var 150’000 aspectaturs durant quell’emna. Qels pon observar ed era empruvar or sper las 75 professiuns en concurrenza anc ulteriuras 60 professiuns che vegnan preschentadas praticamain.
RTR @ Swiss Skills 2018
Durant l’emna dals Swiss Skills rapporta RTR sin tut ils vecturs cun istorgias da ed enturn las concurrenzas. Gia el ordavant dumandain nus en la Marella dal Radio Rumantsch tge che stat davostiers e tge che quels Swiss Skills portan insumma?
Sin rtr.ch/SwissSkills essas vus adina up to date tge che pertutga ils campiunadis Svizzers da professiuns e la dumengia suenter che las medaglias èn vegnidas repartidas guardain nus enavos cun ils participants e las participantas rumantschas sin quell'emna a Berna.
- «Mes emprim mais» – ina seria ch'accumpogna l'emprim mais d'emprendissadi
- Tge stat davostiers e tge portan ils Swiss Skills? – Marella dals 2-9-2018 a las 09:00
- Rapports ed istorgias live da Berna dals 12 als 16 da settember
- In sguard enavos sin l'emna dals Swiss Skills – Marella dals 16-9-2018 e la saira a la televisiun las 17:10 sin SRF1.
RR actualitad 17:00