-
Bild 1 von 9. Elena Depuoz:. L'electroinstallatura permez la concurrenza gievgia suentermezdi. Bildquelle: RTR, Gion Gieri Flepp.
-
Bild 2 von 9. Visitas dal schef:. Claudio Cadruvi guarda sur las spatlas a sia candidata ed è optimistic. Bildquelle: RTR, Gion Gieri Flepp.
-
Bild 3 von 9. Sofia Parli:. La spezialista da sanadad da San Murezzan ha gì ses post la gievgia suentermezdi. Uss hai num spetgar sin ils resultats. Bildquelle: RTR, Gion Gieri Flepp.
-
Bild 4 von 9. Er ils dus automatichers Dominic Cadruvi e Joel Flepp han bainbaud dumagnà la mesadad. Bildquelle: RTR, Gion Gieri Flepp.
-
Bild 5 von 9. La spezialista da sanadad Sofia Parli è arrivada gievgia en damaun a Berna. Suentermezdi vegni serius. Bildquelle: RTR, Livio Chistell.
-
Bild 6 von 9. Il spezialists per transports sin via,. Livio Dosch da Cunter ha chattà ses plaz da lavur mardi suentermezdi. Bildquelle: RTR, Gion Gieri Flepp.
-
Bild 7 von 9. Livio Dosch. ha gist dastgà dar l'emprima intervista per la televisiun. Bildquelle: RTR, Gion Gieri Flepp.
-
Bild 8 von 9. Ils dus automatichers sursilvans mardi saira:. Joel Flepp (san.) e Dominic Cadruvi èn pronts per la concurrenza. Bildquelle: RTR, Gion Gieri Flepp.
-
Bild 9 von 9. L'electroinstallatura Elena Depuoz,. durant endrizzar ses plaz da lavur mardi avantmezdi. Bildquelle: RTR, Gion Gieri Flepp.
Da l'electroinstallatura, sur il pasterner u la pura, fin tar spezialists da transports sin via u da products da charn ed anc bleras autras professiuns – els tuts cumbattan per daventar il meglier u la meglra da la Svizra. Tranter els èn er plirs candidats e candidatas rumantschas. Ad els ed ellas guardain nus natiralmain in zic pli exact sur la spatla.
Co va quai cun l'electroinstallatura Elena Depuoz da Glion? U daventa forsa la spezialista da sanadad Sofia Parli successura dad Irina Tuor ch'è suenter il titel da campiunessa svizra schizunt daventada la meglra dal mund? ... Qua chattais tut las istorgias da ed enturn ils candidats als Swiss Skills 2018.
Pers intgins puncts ma anc tut pussaivel
Er ils automatichers Joel Flepp e Dominic Cadruvi han dumagnà passa la mesadad. Els èn cuntents malgrà ch'els hajan pers in pèr puncts tar il terz pensum, uschia ils dus Sursilvans. I saja tuttina anc tut pussaivel. Pli u main cuntenta cun sia prestaziun è Elena Depuoz. Ella è da l'avis ch'ella saja suenter bun la mesadad dals pensums in zic davos en cun las lavurs.
Elena Depuoz ha survegnì visitas e Sofia Parli ha gia fatg il sieu
L'electroinstallatura Elena Depuoz ha survegnì visitas permez la concurrenza. Ses schef Claudio Cadruvi ch'è il medem mument er responsabel per la scolaziun da tut ils electroinstallaturs en il Grischun ha guardà ad ella sur las spatlas.
Bain, ella ha fatg ina buna lavur e dal temp vesi er or detg pulit...
El agiunta però ch'i saja daventà fitg grev da giuditgar da dador quant buns ch'in candidat è en cumparegliaziun cun tschels. La lavur visibla vid la paraid quai na saja numnadamain betg pli il sulet. Els hajan da programmar, da dissegnar schemas ed er da schliar tschertas chaussas sin temp. Bler da quai na vesian ins strusch sco visitader u visitadra. La medaglia d'aur per Elena fiss però in siemi sco el di.
Entant che Elena Depuoz è permez la concurrenza ha Sofia Parli, la spezialista da sanadad da San Murezzan gia dumagnà ses pensum:
Suenter duas uras lavur è gia tut stà fatg. Uss resta ad ella be pli da spetgar fin sonda sin ils resultats e sperar ch'i tanschia per la medaglia d'aur. Cun sia prestaziun è ella cuntenta. In pitschen sbagl che disturba la giuvna da San Murezzan: Ella è ida cun ses pazient en pe blut a spass.
«I va anc cun la gnervusitad»
Tar l'electroinstallatura Elena Depuoz era la gnervusitad pli gronda sin via vers Berna, mardi en damaun. Suenter, durant endrizzar il plaz da lavur saja quella però svanida.
Ed er il spezialist da transports sin via, Livio Dosch da Cunter n'ha betg laschà starmentar dal fatg ch'i pudess gia esser a fin per el suenter be in di. El cumbatta numnadamain cun camiun e plunader en il sistem da K.O.
Ils dus automatichers sursilvans, Dominic Cadruvi e Joel Flepp han manegià ch'i vegnia segir anc mender cun la tensiun cura che la glieud guardia lura tiers ed els hajan da sa concentrar sin la lavur.
RR actualitad 07:00+