Chattan ils scolars e las scolaras dal stgalim aut da Müstair lur professiun preferida? Tge attira spezialmain l'attenziun dals visitaders e da las visitadras? E co va quai als fans e las famiglias dals candidats e da las candidatas? Èn bab e mamma forsa schizunt pli gnervus che lur figl u lur figlia che cumbattan per la medaglia d'aur? ... Qua chattais vus istorgias da ed enturn ils passa 120'000 visitadras e visitadras che vegnan spetgads entaifer ils tschintg dis sin l'areal da la Bernexpo a Berna.
«Igl è sco dad ir sin viadi da scola»
Venderdi vers mezdi è ha l'entir team da l'Uffizi per furmaziun dal Grischun visità ils Swiss Skills. A l'entschatta hai dà bainvegni uffizial tras Theo Ninck, il manader dal medem uffizi dal chantun da Berna e vicepresident dal comité d'organisaziun dals Swiss Skills 2018. Lura ha la gruppa visità differentas professiuns, tranter auter ils construiders e reparaders d'instruments.
Ma i na gieva betg be per far in viadi communabel. L'uffizi ha er l'incumbensa dal parlament e da la regenza Grischuna da sclerir sch'i fiss pussaivel dad organisar Swiss u schizunt World Skills er en il Grischun. In aspect da dat tenor il manader da l'uffizi, Curdin Tuor framc bler da ponderar èn las dimensiuns. 60'000 meters quadrats spazi cuvert ed anc ina giada 40'000 meters quadrats ulteriur spazi dovran ils Swiss Skills en la furma sco els èn organisads a Berna.
-
Bild 1 von 8. Theo Ninck. ch'è er vicepresident dal comité d'organisaziun ha beneventà il team da l'Uffizi per la furmaziun professiunala dal GR. Bildquelle: RTR, Gion Gieri Flepp.
-
Bild 2 von 8. Ils dus collegas d'uffizi:. Curdin Tuor, il manader da l'Uffizi per la furmaziun professiunala dal GR e ses collega Theo Ninck dal chantun da Berna. Bildquelle: RTR, Gion Gieri Flepp.
-
Bild 3 von 8. Las visitas dal Grischun ha survegnì ina guida:. Tranter auter tras l'expoisziun dals mastergns pitschens sco construider e reparader d'instruments. Bildquelle: RTR, Gion Gieri Flepp.
-
Bild 4 von 8. Trais Grischunas ch'èn vegnidas a Berna per sustegnair lur candidata tar ils pasterners -conditers. Bildquelle: RTR, Gion Gieri Flepp.
-
Bild 5 von 8. Tar mintgina da las 135 professiuns che sa preschentan pon ils visitaders e las visitadras dumandar ... Bildquelle: SRF, Severin Nowacki.
-
Bild 6 von 8. ... ed er empruvar ora sez las pli differentas lavurs. Bildquelle: SRF, Severin Nowacki.
-
Bild 7 von 8. Er il pitschen studio da televisiun attira cunzunt l'interess da giuvens e giuvnas. Bildquelle: SRF, Severin Nowacki.
-
Bild 8 von 8. Tar ils constructurs da vias pon ils visitaders testar lur inschign vi da autos da termagls electronics. Bildquelle: SRF, Severin Nowacki.
Da ferrers da chavals, muliners e constructurs da bastiments...
Tscherts visitaders e visitadras han ina clera finamira, vegnan per guardar co lur figl, figlia ni collega cumbatta per la medaglia. Auters sa laschan simplamain trair en ina u en l'autra direcziun e puspè auters vulan cunzunt guardar professiuns main enconuschentas sco ils ferrers da chavals u ils muliners.
Per esser sincera, quai vesa ora detg cumplitgà e jau ma dumond co ins po s'interessar per quai... Ma i vesa tuttina ora fitg cool.
Quai che dat en egl, i ha propi blers giuvenils, classas da scola or da l'entira Svizra che s'interesseschan per las 135 professiuns che vegnan preschentadas. Passa 60'000 scolaras e scolars èn s'annunziads. Quai ch'ins po però er constatar: Tar professiuns sco florista, cosmeticra u spezialista da sanadad hai cunzunt giuvnas e tar ils mecanists, miradurs u polimecanists hai plitost giuvens. Pia datti anc adina tipicas professiuns che tirans plitost las dunnas e talas che tiran plitost ils umens.
Quai è propi bun, ina chaschun per scuvrir novas professiuns ed uschia chattar sia professiun.
RR actualitad 17:00 +