Sco quai che la polizia communitgescha è la lavina sa distatgada enturn las 13:00 sin in'autezza da 2'450 meters en la regiun dal Plan du Fou al Mont Gond. La skiunza disgraziada era equipada cun in apparat da tschertga en cas da lavinas, uschia ch'ils auters commembers da la gruppa han spertamain chattà ella. Malgrà l'emprim agid dals patrugliaders e da las forzas da salvament da la Air-Glacier n'han ins mo anc pudì salvar morta la giuvna da 20 onns.
Gia il 2013 è in skiunz da la Svezia sa disgrazià en la medema regiun.
RR novitads 20:00